Lirimi nga detyra i Lamallarit, presidenti Begaj dekreton Ervin Demon si ministër të Brendshëm! Do drejtojë edhe Pushtetin Vendor

Presidenti i Republikës, Bajram Begaj, ka dekretuar sot shkarkimin e Besfort Lamallarit nga detyra e Ministrit të Punëve të Brendshme, që do ketë nën varësi edhe ministrinë e Pushtetit Vendor.

Sipas njoftimit të Presidencës, vendimi është marrë gjatë ditës së sotme, ndërsa po sot kreu i shtetit ka dekretuar edhe emërimin e Ervin Demos në detyrën e Ministrit të Punëve të Brendshme.

Kështu, Demo do të marrë drejtimin e Ministrisë së Punëve të Brendshme, pas largimit të Lamallarit nga detyra.

Dekretet janë firmosur nga Presidenti Bajram Begaj dhe janë bërë publike përmes njoftimit zyrtar të Presidencës.