Liverpool, Slot nuk fshihet: Pa Champions, sezoni do ishte i dështuar

Marzhi për gabim tani është minimal, dhe Liverpooli e di mirë këtë. Në prag të udhëtimit në fushën e Sunderland, i planifikuar për në Stadium of Light, Arne Slot bëri një bilanc: “Nëse nuk kualifikohemi për Ligën e Kampionëve, nuk do të jetë një sezon i pranueshëm. Detajet bëjnë diferencën: brenda pak minutash, nga ndjesia sikur ishim menjëherë pas City-t, kaluam në një diferencë shumë më të madhe. Në këtë kontekst, duhet t’i afrohemi përsosmërisë”.

“Kemi pësuar shumë gola në finale. Provova zgjidhje të ndryshme, duke ndryshuar formacionin ose lojtarët, por topi prapë shkoi brenda. Nuk patëm fat, kjo është e sigurt. Tani duhet të kuptojmë nëse është vetëm një periudhë apo limiti ynë: do ta zbulojmë në muajt në vijim”.

Lidhur me Sunderland, Slot nuk e nënvlerëson sfidën: “Ata janë e vetmja skuadër e pamposhtur në shtëpi në Premier League. Si një ekip i sapongjitur, ata po bëjnë diçka të jashtëzakonshme”.

E mbyll duke hedhur vështrimin brenda dhomës së zhveshjes: “Është sezoni më i vështirë i karrierës sime, por shoh rritje. Performancat po përmirësohen dhe tani duhet t’i shndërrojmë ato në fitore”.