Lojërat Mesdhetare, Shqipëria fiton 3-1 përballë Kosovës

TIRANË, 24 gusht /ATSH/ Kombëtarja kuqezi luajti sot ndeshjen e dytë në Grupin B të turneut të futbollit në Lojërat Mesdhetare Taranto 2026. Kuqezinjtë fituan 3-1 përballjen me Kombëtaren e Kosovës (U21).

Goli i parë u shënua në minutën e 51-të nga Bode, ndërsa Valentin Daja në minutën e 74-t dyfishoi rezultatin e ndeshjes. Në minutën e 92-të Arlind Leshi nuk e pati të vështirë të shënonte nga afër portës golin e tretë. Një minutë më pas Kosova shënoi “golin e nderit” me Edon Hajdinin.

Përballjen e fundit në grup kuqezinjtë e kanë me Algjerinë, ndërsa Kosova luan ndaj Italisë, edhe pse teorikisht është e skualifikuar.

Pas barazimit 1-1 ndaj Italisë, të besuarit e Alban Bushit me këtë fitore kanë bërë një hap për të siguruar kualifikimin në fazën tjetër me një fitore të mundshme ndaj Algjerisë.

Renditja aktuale e Grupit B: