Lufta me Iranin mund ta dobësojë ekonominë amerikane më shumë se sa pritej

Nëse lufta me Iranin vazhdon për shumë muaj të tjerë, konsumatorët amerikanë ka të ngjarë të “fillojnë të tërhiqen”. Kështu u shpreh Guvernatori i Rezervës Federale Chris Waller për CNBC.

Shpenzimet e konsumatorëve nxisin dy të tretat e aktivitetit ekonomik të SHBA-së.

“Pra, të gjitha këto gjëra mund të përfundojnë duke e çuar [ekonominë], nuk dua të them, në një recesion, por papritmas një dobësim shumë më të madh të ekonomisë nga sa mendonim”, tha ai.

Presidenti Donald Trump i ka kërkuar Rezervës Federale të ulë normat e interesit për të nxitur ekonominë amerikane. Megjithatë, zyrtarët e bankës qendrore kanë zgjedhur deri më tani këtë vit të mbajnë normat e interesit në nivelet e tyre aktuale, ndërsa analizojnë efektet e tarifave dhe monitorojnë një treg pune në dobësim.

Por Waller, i cili u emërua në rolin e tij nga Trump në mandatin e tij të parë dhe ishte në listën e ngushtë të Trump për të zëvendësuar Kryetarin e Rezervës Federale, Jerome Powell, tha se kishte qenë gati të ulte normat e interesit – derisa pa raportin e punësimit të shkurtit më 6 mars, i cili tregoi se ekonomia amerikane humbi 92,000 vende pune atë muaj .