Lufta në Lindjen e Mesme, Izraeli dhe Hezbollahu shkëmbejnë zjarr ndërkufitar

Izraeli dhe Hezbollahu shkëmbyen zjarr ndërkufitar këtë këtë të shtunë. Lajmi është konfirmuar nga të dyja palët, ndërsa Hezbollah njoftoi se një nga ushtarët e tij u vra.

Nga ana tjetër, Izraeli theksoi se sulmet synonin goditjen e infrastrukturës terroriste të Hezbollahut në territorin libanez.

Agjencia shtetërore e Libanit e Lajmeve tha se forcat izraelite shënjestruan Hamulin, në lindje të Naqoura-s, duke goditur me predha artilerie dhe sulmesh ajrore.

Më herët, Hezbollahu pretendoi se kishte shënjestruar një vendndodhje artilerie izraelite, në një zonë pranë kufirit me Libanin, duke sulmuar me raketa.