Luftimet e përgjakshme në Sudan, Erdogan thotë se Turqia është e gatshme për ndërmjetësim

Turqia është e gatshme të presë bisedime gjithëpërfshirëse për paqen në Sudan nëse palët e interesuara bien dakord, i tha presidenti Recep Tayyip Erdogan shefit të ushtrisë sudaneze të martën.

Në një bisedë telefonike me Abdel Fattah al-Burhan, Erdogan tha se Turqia do të vazhdojë përpjekjet e saj në koordinim me OKB-në për të siguruar që nevojat urgjente humanitare të popullit sudanez të përmbushen.

Presidenti turk shprehu gjithashtu trishtimin dhe shqetësimin e tij për rritjen e viktimave nga "lufta vëllavrasëse" në Sudan. Sipas deklaratës, u diskutua gjithashtu për evakuimin dhe sigurinë e qytetarëve turq në Sudan.

Më vete, ministri i Jashtëm turk Mevlut Cavusoglu tha të martën se Turqia kishte zhvendosur të gjithë punonjësit e saj, veçanërisht rojet e sigurisë, nga ambasada në Sudan me mbështetjen e al-Burhan.

Gjatë fundjavës automjeti zyrtar i ambasadorit turk në Sudan Ismail Cobanoglu u godit me armë zjarri në kryeqytetin Khartoum. Nuk pati viktima, ndërsa burimi i të shtënave nuk është ende i qartë.

Pavarësisht bisedimeve për armëpushimin që po mbahen në Arabinë Saudite, sulmet ajrore dhe betejat tokësore po vazhdojnë në kryeqytetin Khartoum. Lagje të tëra janë boshatisur pasi banorët largohen nga shtëpitë e tyre.

Khartoum kishte një popullsi prej 5.4 milionë banorësh, por qyteti dikur paqësor është shkatërruar nga konflikti që shpërtheu më 15 prill. Një banore i tha BBC-së se dëgjoi përsëri të shtëna armësh të martën nga shumë drejtime dhe zhurmat e largëta të sulmeve ajrore.

Sondazh

A e mbështesni protestën siç është zhvilluar dy ditët e fundit nën emrin e studentëve?

•                                                                         Po
  

  •                                                                     Jo
    

    •                                                                 Nuk e di
      

Lexo gjithashtu