METEO – Moti i keq mbyll aeroportet e Vjenës dhe Mynihut

VJENË, 20 shkurt /ATSH-DPA/ – Aeroporti i Vjenës pezulloi sot fluturimet, pasi reshjet e dendura të borës gjatë natës shkaktuan anulime dhe vonesa të shumta fluturimesh.

Zëdhënësi i “Vienna International Airport” tha se vetëm pak ngritje dhe ulje avionësh priten gjatë orëve të paradites.

Gjatë natës ranë rreth 20 centimetra borë.

Shërbimet e mirëmbajtjes dimërore të rrugëve kanë qenë në punë të pandërprerë që nga mbrëmja e djeshme.

Sipas raportimeve, deri tani janë larguar rreth 1 000 kamionë me borë, me një total prej afro 15 000 tonësh.

Probleme të mëdha u shënuan edhe në autostrada.

Një rrugë e rëndësishme ekspres në periferi të kryeqytetit austriak u mbyll përkohësisht.

Reshjet e dendura të borës gjatë natës shkaktuan ndërprerje edhe në aeroportin e Mynihut.

Aeroporti njoftoi në faqen e tij zyrtare se nisjet dhe mbërritjet mund të vonohen ose të anulohen gjatë ditës së sotme./  /Ad.Ab./ a.jor.