MOSKË – Rusia dhe Kina diskutojnë bashkëpunimin energjetik

MOSKË, 21 gusht /ATSH-DPA/- Kina dhe Rusia diskutuan rritjen e bashkëpunimit në sektorin e energjisë gjatë një vizite të kryeministrit kinez Li Qiang në Moskë, tha sot kryeministri rus Mikhail Mishustin.

“Rusia është tashmë furnizuesi më i madh i naftës së papërpunuar në Kinë. Në të ardhmen e afërt, ne gjithashtu do të zëmë vendin e parë në gazin natyror,” tha Mishustin për agjencinë shtetërore të lajmeve TASS.

Li theksoi se vëllimi dhe cilësia e bashkëpunimit energjetik janë në rritje.

Pekini e konsideron luftën ruse kundër Ukrainës si një përçarje të rendit ndërkombëtar, por në fund mbështet Rusinë për këtë çështje.

Në Moskë, kryeministri kinez do të takohet edhe me presidentin rus Vladimir Putin. Putini e vizitoi Kinën për herë të fundit në maj.

Në kundërshtimin e tyre të përbashkët me Perëndimin, dy fuqitë janë afruar në vitet e fundit dhe kanë deklaruar një partneritet strategjik. //a.i/