MPJ: Vendimi i BE perkthehet ne angazhim per detyrimet

Ministria e Puneve te Jashtme pershendeti dje vendimin e ministrave te Jashtem te Bashkimit Evropian, te cilet ftuan Komisionin Evropian per te pergatitur opinionin e tij per aplikimin e Shqiperise per statusin e vendit kandidat ne BE, duke i hapur rrugen ketij procesi te rendesishem. Ne deklaraten e ministrise se Jashtme theksohet se ky vendim hap siparin e nje procesi intensiv, shume kerkues dhe te nje rendesie te jashtezakonshme per Shqiperine ne rrugen e saj drejt integrimit evropian. Ne kete kuader ministria e Jashtme garanton ne emer te qeverise se do te angazhohet per te permbushur te gjitha detyrimet qe i rrjedhin nga ky vendim i rendesishem per te ardhmen e saj ne BE. "Ne jemi te ndergjegjshem se kjo etape e re kerkon si kontributin, perkushtimin dhe seriozitetin e institucioneve shteterore ashtu edhe te institucioneve te pavarura, aktoreve te tjere politike, shoqerise civile dhe grupeve te interesit ne formen me gjitheperfshirese", theksohet ne deklaraten e ministrise se Jashtme. Sipas deklarates, te gjithe aktoret e permendur duhet te jene aktiv ne dobi te ketij procesi te rendesishem per qytetaret dhe per te ardhmen e vendit tone.