Macron: Do të punojmë me presidentin Erdogan për armëpushim në Ukrainë

Presidenti francez, Emmanuel Macron, deklaroi se do të punojë me presidentin turk Rexhep Tajip Erdogan, për të arritur një marrëveshje armëpushimi për “paqe të qëndrueshme” në Ukrainë. Duke folur në një konferencë shtypi në Bruksel, pas samitit të NATO-s dhe G-7, zoti Macron tha se ai dhe presidenti Erdogan, ndanin “të njëjtën perspektivë” për luftën Rusi-Ukrainë, si dhe kishin rënë dakord për një operacion të përbashkët humanitar në Ukrainë, veçanërisht në qytetin e Mariupol.