Macron në Westminster: Evropianët nuk do ta braktisin kurrë Kievin

Presidenti francez, Emmanuel Macron, u zotua sot në Parlamentin Britanik se “evropianët nuk do ta braktisin kurrë Ukrainën” përballë “agresionit” të Rusisë së Vladimir Putinit. Ai theksoi unitetin e Francës dhe Mbretërisë së Bashkuar në udhëheqjen e koalicionit të vendeve të gatshme për të ndihmuar Kievin.

Macron po i drejtohej dhomave të përbashkëta të Parlamentit Britanik gjatë vizitës së tij shtetërore në Mbretërinë e Bashkuar. Ky është një nder i veçantë, i cili në të kaluarën u është dhënë presidentëve amerikanë Ronald Reagan dhe Bill Clinton, si dhe së fundmi kancelares gjermane, Angela Merkel dhe presidentit ukrainas, Volodymyr Zelensky.

Më herët gjatë ditës, Macron vendosi një kurorë në kujtim të të rënëve të luftës në Westminster Abbey, duke shënuar një moment homazhi përpara fjalimit të tij të rëndësishëm. Mesazhi i tij i fortë në Westminster nënvizon përkushtimin e Evropës për të vazhduar mbështetjen ndaj Ukrainës.

/rtsh.al/