Mali i Zi e Kosova, marrëveshje për transportin rrugor

Transporti rrugor ndërmjet Malit të Zi dhe Kosovës në të ardhmen do të zhvillohet sipas parimit të reciprocitetit.

Transportuesit që qarkullojnë ndërmjet Malit të Zi dhe Kosovës do të jenë të “barabartë” dhe “transporti do të kryhet në kushte të njejta, duke respektuar parimin e “reciprocitetit”, ka njoftuar ministria e transportit e Mali të Zi, pas një takimi me palën kosovare, që u zhvillua sot në Podgoricë.

Me këtë rast është vlerësuar se është e “domosdoshme” të përforcohet puna e shërbimeve të kontrollit dhe të pengohet transporti ilegal i udhëtarëve dhe i mallrave, kështu që është arritur pajtueshmëri për mbikëqyrje të përbashkët në trafikun rrugor.