Marrëveshja e kufijve, PS dorëzon në Gjykatën Kushtetuese kërkesën ankimore

Tiranë, 20 tetor NOA Partia Socialiste dorëzoi sot në Gjykatën Kushtetuese kërkesën ankimore për marrëveshjen, Shqipëri-Greqi për kufijtë detar.

Ankimin e dorëzoi në këtë gjykatë deputeti i PS, Saimir Tahiri.

Unë depozitova kërkesën e partive nënshkruese me anë të së cilës ato formalizojnë vullnetin e tyre për t'i kërkuar Gjykatës Kushtetuese shqyrtimin e pajtueshmërisë së kësaj marrëveshjeje  me Kushtetutën.

Është një marrëveshje e cila i ka munguar transparenca në fazën në negocimit dhe në fazën e nënshkrimit.

Është një marrëveshje gjerësisht e kontestuar publikisht nga zërat më të rëndësishëm të opinionit publik të ekspertëve të pavarur, ndaj si e tillë është një marrëveshje që ngre të gjitha dyshimet e arsyeshme për të kërkuar nga Gjykata Kushtetuese shqyrtimin e pajtueshmërisë së saj, pra është kushtetuese kjo marrëveshje apo jo tha Tahiri para gazetarëve.

Sipas tahirit kërkesa është firmosur nga gjashtë parti mes tyre edhe ajo e Paskal Milos.

k.k/NOA