Marrin fund ditët e nxehta? Pas temperaturave përvëluese, nisin rrebeshet e breshëri në vend, probleme në disa akse rrugore

Pas disa ditësh temperaturash të larta në të gjithë vendin, këtë pasdite moti ka marrë “kthesë”.

Në disa qytetet kanë nisur reshjet e dendura, duke shkaktuar edhe probleme me përmbytjet, siç ishte dhe rasti në Bulqizë.

Edhe në Elbasan e Tiranë kanë nisur rrebeshet e breshëri.

Ndërkohë si pasojë e reshjeve janë raportuar probleme me qarkullimin në disa akse rrugore.

Stuhia është shoqëruar dhe me erë të fortë, që ka dëmtuar pemët, por dhe ka rrëzuar sende nga katet e larta të ndërtesave.

Në disa zona ka pasur përmbytje, teksa breshri ka qenë me përmasa të mëdha, çka ka sjellë dhe dëmtime në të mbjella.