Maskat në Rrugën e Kombit, policia prangos një person, tjetri në kërkim

Lezhë- Grabitjet e ditëve të fundit memaska në Rrugën e Kombit kanë një person të arrestuar tashmë  dhe një tjetër të shpallur në kërkim.

Policia e Lezhës ka vënë në pranga 21-vjeçarin Ardit Maxhuni, banues në Grykë-Lumë, Komuna Shënkoll, ndërsa Anton Nikolli, 21-vjeç nga Durrësi është shpallur në kërkim.

Sipas Policisë së Lezhes, këta dy shtetas janë autorë të grabitjes së dy shtetasve kosovarë në autostradën Durrës-Kukës, mëngjesin e së shtunës. 

Nga veprimet e para hetimore rezulton se shtetasi Maxhuni është autor edhe i disa veprave të tjera kriminale, si ajo e ndodhur në datën 3 Prill, kur u vodh me armë shtetasi A. Kamberi dhe në 11 Korrik, në Rreps, Mirditë. Materialet hetimore i janë përcjellë Prokurorisë së Lezhës, për veprat penale të vjedhjes me armë në bashkëpunim e mbajtje të paligjishme të armëve luftarake, deklaroi Fatos Cera, zëdhënës i policisë së Qarkut Lezhë.

Gjithashtu, ata po hetohen edhe për dy grabitjet e ndodhura në datën 3 prill dhe 11 korrik. Sipas hetimeve, të rinjtë zgjidhnin fundjavën për të grabitur, pasi vinin në këto ditë shumë shtetas nga Kosova drejt brgedetit shqiptar.