Mbappé shtang Barçën me dy gola, Reali rihap kampionatin në “Camp Nou”
Një Mbappé i shkëlqyer udhëhoqi Real Madridin drejt fitores në El Clasico ndaj Barcelonës, 2-1 në Camp Nou në raundin e dhjetë të LaLigas. Francezi hapi serinë e golave në minutën e 41-të, Raphinha barazoi rezultatin në minutën e 61-të me një gjuajtje vdekjeprurëse me të majtën nga asistimi i Pedrit…
Pikërisht kur gjithçka dukej se po shkonte drejt barazim, Bellingham dhe Camavinga u bashkuan në aksion për golin e dytë të Mbappé-s, i cili në minutën e 87-të i çoi Blancos vetëm tre pikë larg rivalëve të tyre në renditje.
Barcelona pëson kështu humbjen e parë, duke mbetur e bllokuar në 27 pikë, dy pikë përpara Atletico Madridit të vendit të dytë dhe tre pikë përpara Real Madridit, i cili është rikthyer në garë.