Mbretin spanjoll viziton Valencian e shkatërruar nga përmbytjet, përballet me protestues të zemëruar

Mbreti Felipe VI i Spanjës është përballur me protestues të zemëruar gjatë vizitës në Valencia, rajoni më i goditur nga përmbytjet e paprecedenta në Spanjë.

Protestuesit thërrisnin “vrasës” dhe “turp” ndaj mbretit, i cili u pyet se pse nuk ishte bërë asgjë për të shmangur tragjedinë.

Përmbytjet më të këqija të Spanjës në dekada kanë lënë lagje të tëra të mbuluara me baltë dhe mbeturina.

Më shumë se 200 njerëz u vranë nga përmbytjet, me shumë të tjerë të zhdukur. Punonjësit e urgjencës po vazhdojnë kërkimet nëpër parkingje nëntokësore dhe tunele me shpresën për të gjetur të mbijetuar. Ka pasur zemërim për një mungesë paralajmërimi dhe mbështetje të pamjaftueshme nga autoritetet pas përmbytjeve.

Të shtunën, kryeministri spanjoll Pedro Sánchez urdhëroi 10.000 trupa të tjera, oficerë policie dhe roje civile në zonë. Ai tha se dislokimi ishte më i madhi i Spanjës në kohë paqeje, por ai shtoi se ishte i vetëdijshëm se përgjigja ishte “nuk ishte e mjaftueshme” dhe pranoi se ka patur probleme dhe mungesa të rënda./ BBC

/rtsh.al/