Mbyllet me barazim 1-1 derbi Partizani-Tirana, tension në fushë dhe mes tifozerive
TIRANE, 9 shkurt/ATSH/ Partizani dhe Tirana barazuan 1-1 në derbin e kryeqytetit të luajtur në “Arena e Demave” në një ndeshje e cila përfundoi me një gol në minutën e ’90, si dhe me përplasje masive mes skuadrave ku gjyqtari nuk ngurroi të nxirrte një tufë kartonësh të kuq.
Golat u shënuan për Partizanin nga Sembene dhe për Tiranën nga Ernest.
Tension u vu re edhe në tribuna me tifozët që sulmuan pankinat e të dy skuadrave.
Bytyçi, Taipi dhe Gudjufi ndëshkohen me të kuq nga Partizani, ndërsa Sembene me të verdhë pasi hoqi fanellën. Nga ana tjetër janë Marku, Gjumsi dhe Mici të cilët ndëshkohen me të kuq nga bardheblutë.