Meksike ushtria liron 61 pengje
Ushtria meksikane liroi 61 pengje pranë kufirit me SHBA-në, gjatë një aksioni të gjerë ndaj një karteli të drogës.
Burrat ishin lidhur dhe mbaheshin nën kërcënimin e armëve në shtëpi, e cila ruhej prej tre eksponentëve të krimit të organizuar, në kohën e ndërhyrjes së trupave ushtarake, në Piedras Negras të Koahuilës.
Shumica e pengjeve ishin rrëmbyer nga zona të ndryshme të Meksikës dhe ishin detyruar të punonin për kartelet, për të cilat është e zakonshme që të shfrytëzojnë sekuestrimet e personit si mënyrë rekrutimi.
Në të njëjtin operacion u zbuluan edhe gjashtë tonë marjuanë, ndërsa nuk është bërë ende e ditur se cili ishte karteli i goditur. Janë disa organizatat mafioze që operojnë në krahinën e Koahilës, përfshi kartelet “Zeta” dhe “Gjiri”, të cilët janë përfshirë në një betejë të përgjakshme, për të kontrolluar rrugët e trafikimit në SHBA.
Një vit më parë, në të njëjtën zonë, u zbuluan trupat e pajetë të 72 personave të ekzekutuar nga Zeta, pasi kishin refuzuar të punonin për kartelin. Organizata konsiderohet përgjegjëse edhe për vdekjen e 100 personave, trupat e të cilëve u zbuluan disa javë më parë në një varrezë masive në veriun e Meksikës.
Më shumë se 40 mijë vetë kanë humbur jetën nga dhuna e lidhur me kartelet e drogës në pesë vitet e fundit, që kur presidenti Felipe Kalderon vendosi të përdorte trupat ushtarake për të goditur klanet mafioze.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Lajmet kryesore
Fillon pretenca për Gërdecin
Prokuroria: Ylli Pinari organizoi ngritjen e fabrikës
Bllokohet anija me armë
PS, kërkesë Topallit: Masa për Berishën
Sequi: Preferoj gjuhën e BE-së
BB: Legalizimi ka ngecur