Meta: Tryeza e Topit nuk negocion vendimet e gjykatave
Tiranë, 15 shkurt NOA Zëvendëskryeministri dhe ministri i Jashtëm, Ilir Meta tha sot se tryeza e Presidenti të Republikës nuk mund të shqyrtoj çështjen e hapjes së kutive.
Në një konferencë për shtyp, Meta vlerësoi rolin e Presidentit Topi dhe u shpreh se ishte dakord me qëndrimin e bërë publik nga kryeministri Berisha për kërkesat e opozitës.
Unë dua të përshëndes qëndrimin shumë konstruktiv të kryeministrit Berisha, të mbajtur në tryezën e organizuar nga Presidenti Topi me kryetarin e Partisë Socialiste zotin Rama, u shpreh Meta.
Ai theksoi se qëndrimi i kryeministrit Berisha ka qenë i hapur, duke i kërkuar lidershipit të Partisë Socialiste që të listojë të gjitha pretendimet.
Por nga ana tjetër, ministri i Jashtëm, njëherësh dhe kryetari i Lëvizjes Socialiste për Integrim ka theksuar se çështja e hapjes së kutive nuk mund të diskutohet, duke qenë se ky problem ka të bëjë me gjykatat.
Në këtë drejtim ai u shpreh se të gjitha pretendimet e opozitës mund ti hetojë komisioni parlamentar hetimor.
xh/NOA