Mini-seria e fundit mbi Luis Enriken i kushtohet vajzës së ndarë

Mini-serisë kushtuar Luis Enrikes i erdhi fundit ditën e djeshme kur platforma “Movistar +” publikoi edhe serinë e tretë, e cila titullohej “Xana”.

Siç mund të kuptohet edhe nga titulli kjo seri i ishte dedikuar tërësisht dramës fmailjare të Luis Enrikes, i cili në gushtin e 2019-ën iu desh që ti thoshte lamtumirë njeriut më të shtrenjtë të jetës, vajzës 9-vjeçare, Xana.

“Dikush mund të më pyesë nëse e konsideroj veten me fat apo të pafat për atë që më ndodhi. Unë them se jam me fat, shumë me fat. Por ju do të më thoni se humba vajzën… E vërtetë, por e pata për nëntë vite. Kam kujtime të saj, kam shumë video të saj. Mendoj se ajo nuk është larguar përgjithmonë, na shikon ende”, tregon Luis Enrike.