Miqësore/ Dinamo mundet nga Iliria, Elbasani mposht Strugën

Ditën e djeshme janë zhvilluar disa ndeshje miqësore dhe në fushë kanë zbritur skuadrat e kampionatit Abissnet Superiore dhe Kategorisë së Parë.

Dinamo është mundur 2-1 nga Iliria në një miqësore të zhvilluar në Arbanë. Malomo shënoi golin e vetëm të “bluve” në këtë takim.

Pauzën e kampionatit e ka shfrytëzuar edhe Elbasani, që ka mposhtur 2-0 Strugën në një miqësore të zhvilluar në kompleksin “Shefqet Lamçja”. Verdheblutë shënojnë nga një gol për çdo pjesë me Mazarin dhe Gjelin.