Mirlind Daku realizon dopietë, i dyti në listën e golashënuesve

Sulmuesi kuqezi, Mirlind Daku ka arritur të realizojë dy gola për skuadrën e tij Rubin Kazan në kampionatin rus, por pa mundur të shmangë humbjen 3-2 në fushën e Khimki. Sulmuesi kuqezi humbi dhe një penallti, e treta në këtë sezon.

Daku tani ka 14 gola në kampionatin aktual rus. Ai kaloi Alexei Batrakov (13 gola) të Lokomotiv dhe pozicionohet në vendin e dytë në renditjen e golashënuesve.

Lider për momentin është sulmuesi i Spartak, Manfred Ugalde, i cili ka shënuar 16 gola. Kostarikani ka shënuar për herë të fundit një gol në kampionatin rus më 2 mars.