Mitrovicë, sulmohet familja e Oliver Ivanoviçit

Sulmohet familja e kandidatit serb për kryetar komune në Veri të Kosovës, Oliver Ivanoviç. Vetë Ivanoviç ka konfirmuar lajmin duke thënë se sulmuesit kanë hyrë në banesë dhe kanë sulmuar bashkëshorten e tij.

Mediat citojnë burime se sulmuesit dyshohet se janë anëtarë të asaj që quhet mbrojtja civile e Serbisë.

Ndonëse zyrtarisht nuk flitet për motivet e sulmit sipas mediave ato janë politike dhe ndërlidhen pozicionimin e zotit Ivanoviç pro pjesëmarrjes së serbëve të veriut në zgjedhjet lokale të tre nëntorit.

Sulmi vjen pas vendimit të qeverisë serbe për shpërbërjen e strukturave paralele në Veri të Kosovës për ti hapur rrugë mbajtjes së zgjedhjeve vendore në këtë pjesë të Kosovës në kuadër të marrëveshjeve të arritura në Bruksel nga dy kryeministrat.