Monet thyen rekordin në Francë, piktura “Iris” shitet për 50 milionë euro

PARIS, 22 tetor, ATSH/ Një vepër monumentale e piktorit francez Claude Monet, e titulluar “Iris”, është shitur për 50 milionë euro, përfshirë komisionet, në një ankand të Sotheby’s në Paris, duke vendosur një rekord për veprën më të shtrenjtë të artit të shitur ndonjëherë në ankand në Francë.

Piktura, e realizuar nga një prej përfaqësuesve më të rëndësishëm të impresionizmit, u prezantua për herë të parë për publikun përpara shitjes.

Shitja shënon një moment të rëndësishëm për tregun francez të artit dhe vlerën që vazhdojnë të ruajnë kryeveprat e impresionizmit.