Mot i kthjellët në gjithë vendin, vranësira kalimtare në mesditë e pasdite

Këtë të shtunë, vendi ynë do të ndikohet nga kushte atmosferike të qëndrueshme.

Sipas Shërbimit Meteorologjik Ushtarak, moti pritet të jetë i kthjellët në të gjithë territorin, ndërsa në mesditë dhe pasdite do të shfaqen vranësira të pakta deri mesatare kalimtare.

Era do të fryjë e lehtë me drejtim juglindje–veriperëndim, me shpejtësi mesatare rreth 6 m/s.

Valëzimi në det pritet të jetë i qetë, me valëzim të forcës 1 ballë.

/rtsh.al/