Moti i keq, OSSH: Grupet e terrenit janë në gatishmëri

TIRANË,4 tetor/ATSH/ I gjithë vendi është përfshirë nga reshje të dendura shiu si dhe erë të fortë.

Operatori i Sistemit të Shpërndarjes (OSSH) bën të ditur se ekipet ndodhen në terren duke punuar për normalizimin e situatës së furnizimit me energji elektrike.

“Grupet e terrenit janë në gatishmëri për shkak të stuhisë që ka përfshirë vendin. Koha e riparimit të defektit do të varet nga kushtet atmosferike”, bën të ditur OSSH.

/r.e/