Mubarak i semure rende me kancer
Ish-presidenti egjiptian Hosni Mubarak vuan nga një kancer që i është përhapur në të gjithë trupin.
Lajmin e ka bërë të ditur avokati i tij, Farid el Dib, i cili ka sqaruar se ish-lideri ishte operuar për kancer në vitin 2010 në Gjermani dhe e kishte marrë veten.
“Por tani kanceri është zhvilluar dhe i është përhapur në të gjithë trupin”, ka deklaruar El Dib për agjencinë e lajmeve “ANSA”.
I shtruar në spitalin e Sharm el Sheikh që më 13 prill, Mubarak do të gjykohet më 3 gusht bashkë me djemtë e tij për dhunën e ushtruar ndaj manifestuesve, korrupsion dhe përvetësim pasurie.