NASA do përplasë dy satelitë të saj në sipërfaqen e Hënës

Dy satelitë të NASA-s do të përplasen sot në Hënë, pas një misioni që ka zgjatur 15 muaj. Qëllimi i tyre ishte që të studionin gravitetin e fqinjit më të afërt të Tokës.

Shkencëtarët thanë se satelitët Ebb dhe Flow do të përplasen në Hënë në një krater në polin e veriut.

Por nuk do keni mundësi të shihni ndonjë shkëndijë në sipërfaqen e Hënës. Kjo për shkak se satelitët nuk kanë karburant.

Satelitët do të drejtohen nga NASA për të realizuar një përplasje të koordinuar, duke mos rrezikuar që pjesët e tyre të bien në pjesë të rëndësishme historike të Hënës, siç është vendi ku janë ulur astronautët e Apollo.

Misioni ka kushtuar 496 milion dollarë. Satelitët u lëshuan në shtator të vitit të shkuar.

NASA thotë se misioni ishte një sukses.