NATO, Rasmussen uron Lulzim Bashën për detyrën e re

Tiranë, 16 tetor NOA - Sekretari i Përgjithshëm i NATO-s, Anders Fogh Rasmussen i ka dërguar sot një letër urimi Ministrit të Brendshëm, Lulzim Basha, me rastin e emërimit në detyrë.

Dëshiroj tju përgëzoj me rastin e marrjes së detyrës si Ministri i ri i Brendshëm i Republikës së Shqipërisë.

Gjatë mandatit tuaj në Ministrinë e Punëve të Jashtme, Shqipëria përmbushi një synim të kahershëm të politikës së saj të jashtme, duke u anëtarësuar në NATO.

Dëshiroj të shfrytëzoj këtë rast për tju përgëzuar për kontributin tuaj në këtë arritje kaq të rëndësishme thuhej në letrën e Rasmussen dërguar ministrit të Brendshme, Lulëzim Basha. Tashmë vendi juaj është anëtar i plotë i një organizate sigurie, me një reputacion të pashoq në çështjet ndërkombëtare, një organizatë e cila mbledh së bashku një komunitet vendesh demokratike të zonës së Atlantikut të Veriut nëpërmjet angazhimit të saj për ti dalë zot dhe për të mbrojtur vlerat e lirisë dhe demokracisë.

Jam i sigurt se edhe në pozicionin tuaj të ri, ju do të vazhdoni të punoni për këto vlera. Dëshiroj tju dërgoj urimet e mia më të mira për suksese në detyrën tuaj të re përfundon letrën e tij Rasmussen.

k.k/NOA