NATO, Rice: Rusia s'duhet te kete te drejten e vetos

Sekretarja amerikane e Shtetit, Condoleezza Rice ka deklaruar se Moska nuk duhet te kete te drejten e vetos per anetaresimin ne NATO te ish-republikave sovjetike.

“Ne nuk do ta lejojme Rusine te vere veton ndaj te ardhmes se NATO-s, as ndaj vendeve qe u ofrohet anetaresia dhe as ndaj vendimit per t'i pranuar ato", eshte shprehur kryediplomatja amerikane ne nje interviste per gazeten greke “Typos”.

“Ne dhe aleatet tane evropiane do ta ndihmojme Gjeorgjine... Shtetet e Bashkuara dhe Evropa e mbeshtesin fort pavaresine dhe integritetin territorial te fqinjeve te Rusise", shtoi ajo.

Sipas Rice, Rusia nuk duhet lejuar te perfitoje nga fitorja e saj ushtarake ndaj Gjeorgjise muajin e kaluar.

Ajo ka kercenuar Kremlinin se perpjekjet e tij per t’u bashkuar me Organizaten Boterore te Tregtise rrezikohen me qendrimet qe po mban.