NATO: Shqipëria, nyje logjistike në rajon/ Ambasadori i SHBA në NATO, Whitaker viziton bazën e Kuçovës

Kryeministri i Shqipërisë, Edi Rama ka pritur në zyrë ambasadorin e SHBA në Nato, Mattheë Ëhitaker, i cili ndodhet për një vizitë zyrtare në Tiranë.

Rama zbulon detaje nga çështjet e diskutuara me ambasadorin amerikan, nga partneriteti strategjik, diplomatic dhe ushtarak me SHBA tek përgatitjet për Samitin e NATO-s në 2027 në Tiranë.

“Në Kryeministri, me Ambasadorin e SHBA në NATO, Mattheë Ëhitaker, folëm për lidhjen e ngushtë mes vendeve tona, partneritetin strategjik mes shteteve tona, marrëdhëniet tona të shkëlqyera diplomatike e ushtarake, forcimi i të cilave është prioritet i përbashkët, si edhe për Samitin e NATO-s vitin e ardhshëm në Tiranë, ku Shqipëria do të bëhet pikëtakimi i aleancës më të madhe ushtarake të botë”

Ambasadori amerikan në NATO, Mattheë Ëhitaker gjithashtu vizitoi ambasadën e SHBA në Tiranë.

Në një njoftim zyrtar, ambasada e SHBA shkruan se Ëhitaker u takua me marinas dhe punonjës amerikanë dhe shqiptarë që kanë shërbyer në operacionet e NATO-s në Afganistan dhe Irak.

Më pas, i shoqëruar nga ministri i Mbrojtjes, Ermal Nufi, ambasadori amerikan fluturoi me helikopter për të vizituar bazën ajrore taktike të NATO-s në Kuçovë, ku u diskutua për aftësinë e Shqipërisë për tu bërë një nyje logjistike në rajon përmes investimeve në kooridorin vlll dhe për të çuar sigurinë rajonale në nivele më të larta.