NBA jeton “epokën” Jokic/ Denver fiton falë paraqitjes së madhe të kapitenit, me 23 pikë, 20 topa në tabelë dhe 16 asistë

Ndoshta të tillë si Xhordan apo Lebron janë të paarritshëm, por askush nuk e ka bërë këtë që po bën ai.

Nikola Jokiç po e vazhdon sezonin e tij të shkëlqyer me mesatare “tripëll dabëlli” duke realizuar një tjetër të tillë.

Ishte një ndeshje si finale në basketbollin amerikan, sepse në Denver mbërriti Oklahoma e pathyeshme deri në atë moment.

Duhej fitorja me patjetër dhe Jokiç ishte vendimtar në rezultatin 124-122.

Në një ndeshje tipike prej NBA, ylli serb shënoi 23 pikë, kapi 20 topa në tabela dhe shërbeu 16 asistë.

Tashmë, ai ka katër tripëll dabëlla në vetëm 8 ndeshje, dhe I afrohet podiumit të të gjitha kohëve, shumë pranë legjendës Mexhik Xhonson.

Në krah të tij ishte Rasëll Uestbruk, I vetmi që ka një ndeshje me të paktën 20 pikë, 20 topa në tabela e 10 asistë, që nga koha e Uilt Çembërlenit.

Në moshën 29-vjeçare, kapiteni I ekipit nga Kolorado synon të jetë sërish më I miri I sezonit, dhe të fitojë titullin e dytë në NBA.

Ai ka mesataren këtë vit 28.8 pikë, 13.5 topa në tabela dhe 11 asistë, e madje saktësi realizimi nga loja 53.2 për qind.

Denveri ka 5 fitore e tri humbje, jo larg kreut që e mbajnë Oklahoma, Feniksi dhe Golden Stejti me nga 7 fitore e një humbje. /abcnews.al