Ndërron jetë në moshën 95-vjeçare legjenda e Hollywood, Robert Duvall

Aktori i njohur amerikan Robert Duvall, i famshëm për rolet e tij në filmat si “The Godfather” dhe “Apocalypse Now”, ka ndërruar jetë në moshën 95-vjeçare, sipas raportimeve të mediave amerikane.

Fituesi i çmimit Oscar u shua në shtëpinë e tij në Middleburg, Virxhinia, të dielën, sipas një deklarate të dërguar nga agjencia e tij e marrëdhënieve me publikun në emër të bashkëshortes së tij, Luciana.

“Për botën, ai ishte një aktor fitues i çmimit Oscar, një regjisor, një tregimtar. Për mua, ai ishte thjesht gjithçka. Pasioni i tij për zanatin krahasohej vetëm me dashurinë e tij të thellë për personazhet, një vakt të shkëlqyer dhe bisedat e gjata plot humor.”, thuhej në deklaratën e saj.

I nominuar gjashtë herë për çmimin Oscar, Duvall fitoi statujën për aktorin më të mirë në vitin 1983 për rolin e tij në filmin Tender Mercies, ku interpretoi një këngëtar të zhgënjyer të muzikës country.

/rtsh.al/