Ndeshjet e shtyra të Serie A dhe gjysmëfinalja e Kupës së Italisë do të luhen të mërkurën

Pas ndarjes nga jeta të Papa Françeskut Federata Italiane e Futbollit lajmëroi se të gjitha ndeshjet në program për ditën e sotme do të shtyheeshin për një datë tjetër.

Por pak orë më vonë po ky organ njoftoi se ndeshjet e vlefshme për javën e 33-të të Serie A do të luhen të mërkurën në orën 18:30. Kjo për faktin se Fiorentina, e cila është e impenjuar në Ligën e Konferencës, e ka mjaft të ngjeshur kalendarin.

Sa i përket gjysmëfinales së kthimit të Kupës së Italisë, Interi dhe Milani do të ndeshen po të mërkurën.