Ndryshimet në kabinetin ‘Rama’, Basha: Tumori i Shqipërisë është koka e qeverisë
Kryetari i Demokratëve Euroatlantikë, Lulzim Basha ka reagoi të dielën në lidhje me Kongresin e Partisë Socialiste ku kryeministri, Edi Rama, propozoi disa ndryshime në qeveri.
Basha, përmes një postimi në rrjetet e sociale, deklaroi se pas mbylljes së pazarit me Berishën për mbylljen e listave, Rama do e mbushë qeverinë dhe parlamentin me anonimë, “që nuk e kërcënojnë pushtetin e tij dhe do e mbrojnë atë nga drejtësia.”
“Tumori i Shqipërisë është koka e qeverisë. Të tjerat janë metastaza, që sado t’i shkulësh nuk e shëron të keqen që ka mbërthyer vendin”, shkruan Basha.
Sipas tij, e gjitha është në shërbim të kryeministrit, karriges së tij të pushtetit në kurriz të Shqipërisë dhe shqiptarëve.
/rtsh.al/