Ndryshon kreu i Komandës së Doktrinës dhe Stërvitjes
Tiranë, 17 maj 2010 NOA - Në komandën e Doktrinës dhe Stërvitjes u zhvillua një ceremoni e veçantë, ajo e ndërrimit të komandantit të Komandës së Doktrinës dhe Stërvitjes. Në ceremoni ishin të pranishëm ministri i Mbrojtjes Arben Imami, zv.ministri i Mbrojtjes Ekrem Spahiu, shefi i Shtabit të Përgjithshëm, gjeneral brigade Maksim Malaj, gjeneralë dhe ushtarakë të tjerë të Forcave të Armatosura, atashe ushtarakë të akredituar në vendin tonë, përfaqësues të KUBIC, si dhe të ftuar të tjerë.
Drejtori i Drejtorisë së Burimeve Njerëzore, Edmir Kapidani, lexoi dekretet e Presidentit të Republikës për lirimin nga detyra e komandantit të Komandës së Doktrinës dhe Stërvitjes të gjeneral brigade Sandër Lleshi dhe emërimin e tij në detyrën e zv.shefit të Shtabit të Përgjithshëm të FA-së, si dhe për lirimin nga detyra e komandantit të Komandës së Forcës së Bashkuar të gjeneral brigade Agim Lala dhe emërimin e tij në detyrën e komandantit të Komandës së Doktrinës dhe Stërvitjes.
Ministri i Mbrojtjes Arben Imami, theksoi se tanimë kemi hyrë në vitin e dytë të anëtarësimit në Aleancën prestigjoze të NATO-s.
E përmend këtë fakt, tha ai, sepse tanimë krahas krenarisë së ligjshme që na jep, na kërkohet njëherësh që të jemi shumë të ndjeshëm për përgjegjësitë. Krahas përfitimeve ne jemi e duhet të jemi shumë më të ndërgjegjshëm për të zhvilluar nivelet e ambicies, natyrisht me kapacitete të balancuara, për të rritur kontributet në kuadër të Aleancës, BE-së dhe OKB-së.
Sot ne konstatojmë se një pjesë e madhe e juaja, kanë formuar tashmë një përvojë pjesëmarrjeje në misione dhe operacione ndërkombëtare. Por në një të ardhme jo shumë të largët, ne do ti rrisim nivelet e pjesëmarrjes në dy drejtime: në numër trupash dhe në përmbajtjen dhe karakterin e detyrave, që ato do të zgjidhin në krah dhe bashkë me forcat aleate, - tha z.Imami.
Duke folur për zhvillimet në Forcat e Armatosura, ministri u shpreh se kemi bërë hapa të mëdha cilësorë në strukturën e personelit, duke kaluar përfundimisht në një forcë profesioniste. Kalimi në forcë tërësisht profesioniste do të shoqërohet domosdoshmërisht me përmirësimin e ndjeshëm të sistemit të menaxhimit të personelit, përmes politikave konkurruese e nxitëse, në interes të rritjes cilësore e të performancës në misione e operacione kombëtare dhe ndërkombëtare.
Në fund të fjalës së tij, ministri Imami vlerësoi punën disa vjeçare të dy gjeneralëve, të gjeneral brigade Sandër Lleshi dhe gjeneral brigade Agim Lala, të cilët me përvojën e tyre të gjatë do ti dhe çojnë më tej arritjet institucionale në pozicionet e reja ku ata emërohen.
Më pas, në prezencën e shefi të Shtabit të Përgjithshëm, gjeneral brigade Maksim Malaj u zhvillua akti i dorëzimit të flamurit të Komandës së Doktrinës komandantit të ri të kësaj komande. Shefi i Shtabit të Përgjithshëm i ka akorduar gjeneral brigade Sandër Lleshi Medaljen e Komandantit.
Në fund të ceremonisë gjeneral brigade Sandër Lleshi dhe gjeneral brigade Agim Lala kanë shprehur falenderimet e tyre për vlerësimet që u janë bërë në emërimet në detyrat e reja.
r.n/NOA
var _JOOMLACOMMENT_MSG_DELETE = "Are you sure you want to delete this comment?"; var _JOOMLACOMMENT_MSG_DELETEALL = "Are you sure you want to delete all comments?"; var _JOOMLACOMMENT_WRITECOMMENT = "Shkruaj nje koment"; var _JOOMLACOMMENT_SENDFORM = "Posto"; var _JOOMLACOMMENT_EDITCOMMENT = "Edit comment"; var _JOOMLACOMMENT_EDIT = "Edit"; var _JOOMLACOMMENT_FORMVALIDATE = "Ju lutemi shkruani ne hapesiren e komentit"; var _JOOMLACOMMENT_FORMVALIDATE_CAPTCHA = "Ju lutemi shkruani kodin anti-spam qe shihni ne imazh"; var _JOOMLACOMMENT_FORMVALIDATE_CAPTCHA_FAILED = "Kodi anti-spam u shkrua gabim. Ju lutemi shkruani kodin anti-spam qe shihni ne imazh"; var _JOOMLACOMMENT_FORMVALIDATE_EMAIL = "To be notified, please enter your email"; var _JOOMLACOMMENT_ANONYMOUS = "Anonymous"; var _JOOMLACOMMENT_BEFORE_APPROVAL = "Your comment has been queued for moderation by site administrators and will be published after approval."; var _JOOMLACOMMENT_REQUEST_ERROR = "Request failed"; var _JOOMLACOMMENT_MSG_NEEDREFRESH = ""; jQuery.noConflict(); Komente Shto komentin tend jQuery(document).ready(function(){ jQuery("a.JOSCJQstretchertoogleFORM").click( function(){ jQuery("#JOSCJQstretcherFORM").slideToggle(500); return false; } ); }); Shkruaj nje koment Emri: Email: (jo i detyruar) Titulli: Ju lutemi shkruani kodin anti-spam qe shihni ne imazh function JOSC_afterAjaxResponse(action) { switch(action) { case 'show': case 'response_reply': case 'response_edit': case 'response_quote': jQuery("#JOSCJQstretcherFORM").slideDown(); return 0; break; case 'hide': case 'response_editpost': case 'response_posted': case 'response_approval': jQuery("#JOSCJQstretcherFORM").slideUp("fast"); return 0; break; default: return 0; } } if (window.document.URL.indexOf("#CommentForm")