Ne gjyq Llani vrau nga pakujdesia vellane e te dashures
TIRAN - Institucionit te akuzes ne kryeqytet iu deshen gjashte muaj kohe per tu bindur se i pandehuri Jetmir Llani ne aksidentin e mbremjes se 28 shtatorit 2010 i ka shkaktuar vdekjen shtetasit Sokol Allamani nga pakujdesia.
Prokuroret e ceshtjes gjate fazes hetimore nuk arriten te provojne se vdekja e Allamanit ka qene e qellimshme cka i ka lehtesuar poziten te pandehurit Llani mbi te cilin tashme rendon vetem akuza e vrasjes nga pakujdesia.
Akuze kjo e cila eshte ngritur edhe pas deshmise se motres se viktimes shtetases E. Allamani e cila ne momentin e aksidentit ishte ne makine me te pandehurin. Sipas te dhenave te mesuara nga prokuroria mesohet se vdekja e Allamanit ka ardhur nga perplasja me makinen e te dashurit te motres se tij te pandehurit Jetmir Llani.
Ngjarja per te cilen do te gjykohet i pandehuri nga Mamurrasi ka ndodhur rreth ores 2100 te darkes te dates 28 shtator 2010 prane rruges Tre vellezerit Kondi ne Tirane. Ne kete ore sipas akuzes i pandehuri Llani kishte lene takim me shtetasen E. Allamani motren e viktimes per tu takuar.
Ne momentin qe vajza ka hedhur ne sedijen e pasme te makines tip BMW e te pandehurit Llani nje cante me rroba dhe vete eshte ulur ne sedijen para aty eshte shfaqur viktima Allamani. Ky i fundit sipas prokurorise eshte kapur per deren e makines ku ishte ulur e motra dhe kerkonte nga ajo qe te zbriste.
Ne kete moment vajza i ka kerkuar te pandehurit Llani te ece shpejt per tu larguar pasi i vellai i saj ishte kapur per dere. Ne kohen qe i pandehuri e ka rritur shpejtesine pa pare se cfare po ndodhte viktima eshte perplasur nga pas duke u rrokullisur per betoni cka i solli edhe vdekjen.
Nderkohe ne vendin e ngjarjes policia fiksoi naten e aksidentit shume gjurme gjaku dhe shenja te zeza te gomave te nje makine qe me pas u identifikua se ishin te shtetasit Llani qe ishte larguar me motren e viktimes. Pak ore pas ketij aksidenti policia ne autostraden Tirane-Durres arrestoi te pandehurin i cili po largohej ne drejtim te Durresit.
Nga ana tjeter sipas dosjes me nr. 1207 te regjistruar ne Gjykate dhe procedimit me nr. 3967 te prokurorise i pandehuri Llani do te gjykohet nga treshja gjykuese e kryesuar nga gjyqtari Albert Mece i cili ne ditet ne vazhdim do te caktoje seancen e pare gjyqesore ne ngarkim te Mamurrasit.