Në kërkim për prodhim të lëndëve narkotike/ Muriqan, arrestohet 33-vjeçari

Një 33-vjeçar banues në Durrës është arrestuar nga policia në pikën kufitare të Muriqanit, në tentativë për të dalë nga territori shqiptar.

33-vjeçari ishte shpallur në kërkim pasi Gjykata e Shkallës së Parë e Juridiksionit të Përgjithshëm Durrës i ka caktuar masën e sigurisë “Arrest në burg”, për veprën penale “Prodhimi dhe shitja e narkotikëve”.

Veprimet e tjera procedurale do të kryhen nga DVP Durrës./abcnews.al