Në pritje të festave të 28-29 Nëntorit, Bashkia Gjirokastër planifikon aktivitete të larmishme

Bashkia Gjirokastër do të zhvillojë një sërë aktivitetesh të larmishme gjatë këtij muaji, që  përfshinë fusha të ndryshme  kulturore  artistike. Qëllimi i tyre është  nxitja e jetës komunitare dhe promovimi i vlerave lokale që e karakterizojnë qytetin.

“Kalendari është i mbushur me aktivitete dhe ngjarje kulturore ku do të spikasin aktivitetet kulturore të fëmijëve dhe shumë të tjera”, tha Alesia Llapi, Përgjegjëse e aktiviteteve në Bashki.

Gjithashtu, një sërë aktivitetesh do të organizohen edhe në kuadër të festave kombëtare 28 dhe 29 nëntorit.

“Për festat e 28-29 Nëntorin, kalendari do të përfshi homazhe dhe aktivitete kulturore”, tha ajo.

Me këto nisma, Bashkia Gjirokastër vijon të tregojë përkushtimin për të mbajtur gjallë jetën kulturore dhe qytetare, duke e kthyer në traditë organizimin e aktiviteteve që pasurojnë jetën e komunitetit dhe nderojnë vlerat kombëtare.

/rtsh.al/