Negociatori kryesor iranian: Memorandumi me SHBA-të nuk është plotësuar, s’ka bisedime për çështje të tjera derisa të zbatohet

Negociatorët aktualë të Iranit synojnë plotësimin e angazhimeve të Memorandumin e Mirëkuptimit (MOU) dhe Teherani nuk do të hyjë në negociata të mëtejshme derisa të plotësohen kushtet e MOU-së së nënshkruar mes Iranit dhe Shteteve të Bashkuara.

Kështu u shpreh negociatori kryesor iranian, Mohammad Bagher Ghalibaf, në një intervistë për televizionin shtetëror të martën.Ghalibaf theksoi se Irani ka sovranitet në Ngushticën e Hormuzit së bashku me Omanin dhe nuk do të komprometojë kurrë mbi të drejtat e tij në këtë ngushticë.

Ai shtoi se kalimi pa pagesë në ngushticë është i lejuar vetëm për 60 ditë, sipas marrëveshjes së MOU-së.

“Ne ndjekim dialogun, por nëse dialogu nuk zbatohet, jemi të përgatitur edhe për luftë dhe do të përgjigjemi në përputhje me të”, tha Ghalibaf në intervistën për televizionin shtetëror.

/rtsh.al/