Neymar, në ndihmë të Dani Alves

Gjyqi i Dani Alves, i akuzuar nga një vajzë për sulm seksual pas dyshimeve për abuzime të kryera në fund të vitit 2023, është caktuar për më 5 shkurt në gjykatën e Barcelonës, qyteti ku ish-lojtari brazilian është i burgosur që nga 20 janari i kaluar. Por lajmi që po ngjall diskutime veçanërisht në mediat spanjolle dhe braziliane është një tjetër: Dani Alves do të ndihmohet nga miku i tij i përjetshëm, Neymar, i cili tashmë ka ndërmarrë hapa financiarë dhe ligjorë për ta mbështetur në gjithçka.

Tani kemi arritur në epilogun e një telenovele të vërtetë, e cila zgjati më shumë se një vit, në të cilën Dani Alves u akuzua nga një e re për dhunë seksuale të kryer në një klubi nate në Barcelonë në mbrëmjen e ditës së fundit të viti 2023. Akuzat që ish-mbrojtësi brazilian fillimisht i mohonte dhe i refuzonte gjithmonë, e më pas ndryshoi disa versione të çështjes së errët, deri në atë pikë sa fillimisht pranoi një marrëdhënie konsensuale dhe më pas provoi rrugët e kompromisit, duke ofruar para për të zbutur sa më shumë dënimin.

Tani, dita e gjykimit ka mbërritur dhe Dani Alves ka luajtur një as të fundit në mëngë, duke i thirrur bashkatdhetarit të tij, Neymar, gjithmonë një mik dhe ish-shok skuadre gjatë kohës së tij te Brazili, PSG-ja dhe Barcelona.