Ngrin liqeni i Pukës

Vendi ynë po përballet këtë javë me temperatura nën 0 gradë, ndërsa termometri ka shënuar rekord në qarkun e Shkodrës me minus 22 gradë celsius.

Temperatura e ulët është regjistruar në qafën e Thorës. Ndërkohë si pasojë e acarit liqeni i vogël në qytetin e Pukës ka ngrirë i gjithi.

Siç shihet edhe nga pamjet, akulli ka përfshirë të gjithë sipërfaqen e ujit.

Prani të madhe ngricash ka dhe në akset Bogë-Theth dhe në zonën e Vermoshit. Autoritetet këshillojnë përdorimin e zinxhirëve për të gjithë drejtuesit e mjeteve që kalojnë në këto rrugë.