Nigeri ushtria vret 20 anetare te Boko Haram

Trupat militare nigeriane kanë vrarë 20 të dyshuar si anëtarë të grupit militant islamik Boko Haram, në veri-lindje të vendit, bëri të ditur ushtria.

Gjithashtu gjatë shkëmbimit të zjarrit, në qytetin e Maiduguri, ka humbur jetën edhe një ushtar qeveritar.

Boko Haram ka kryer kohët e fundit sulme të shumta në kisha dhe objekte të tjera në Nigeri.

Grupi kërkon të vendosë ligjin islamik në vend, ndërsa popullsia e krishterë dhe animiste kryesisht jeton në jug.