Nikolla takon ambasadorin King-Smith: Mbretëria e Bashkuar mbështetje për Shqipërinë
Kryetarja e Kuvendit, Lindita Nikolla, priti sot ambasadorin e Mbretërisë së Bashkuar, Alastair King-Smith.
Nikolla i shprehu ambasadorit King-Smith mirënjohjen për mbështetjen e Mbretërisë së Bashkuar për Shqipërinë, për nxitjen e zhvillimit, rritjen e mirëqenies, konsolidimin e institucioneve dhe vlerave demokratike, qeverisjen demokratike, llogaridhënëse e gjithëpërfshirëse dhe nxitjen e dialogut mes aktorëve politkë, shoqërisë civile dhe qytetarëve etj.
Nw takimit u diskutua mbi ecurinë e programeve të bashkëpunimit mes Ambasadës së Mbretërisë së Bashkuar, Fondacionit Ëestminster për Demokraci dhe Kuvendit të Shqipërisë për modernizimin, transparencën dhe efektivitetin e veprimtarisë legjislative, monitorimin e legjislacionit pas miratimit të ligjeve, ndërtimin e Qendrës për dialog, filtrimin antikorrupsion të legjislacionit etj.
Kreu i Kuvendit dhe ambasadori King-Smith diskutuan gjithashtu mbi kontributin e Kuvendit për avancimin e reformave, me fokus të veçantë reformën zgjedhore dhe zbatimin e rekomandimeve të OSBE/ODIHR.
/rtsh.al/