Njolla e naftës, të shtunën në Luiziana

Do të mbërrijë ndoshta të shtunën në brigjet e Luizianës njolla e naftës që ka dalë nga pusi i lidhur me platformën e Deepwater Horizon.

Era sot ka shtyrë njollën e naftës larg nga bregu, por rojet bregdetare kanë deklaruar se është e paevitueshme që të mbërrijë në breg për në fundjavë.

Ndërkohë njolla është zgjeruar edhe më tej: është e gjatë 130 kilometra në pjesën e saj më të gjatë dhe gjendet 60 kilometër në juglindje nga brigjet e Luizianës.