“Nuk e njoh partinë e Saliut si ndërmjetëse mes PS dhe protestuesve”, Balla” Protesta “u vodh”, investimi në Zvërnec do të vijojë

Taulant Balla në një prononcim për mediat pas përfundimit të mbledhjes së grupit parlamentar të Partisë Socialiste, deklaroi se mazhoranca nuk do të mbështesë kërkesën e Partisë Demokratike për mocion me debat lidhur me protestën për projektin në Zvërnec.

Kreu i Grupit të PS theksoi se nuk e njeh Partinë Demokratike si ndërmjetëse mes mazhorancës dhe protestuesve, ndërsa u shpreh se respekton qytetarët që ngritën shqetësime për çështjet mjedisore, por nënvizoi se investimi strategjik në Zvërnec do të vijojë.

Balla: Në cilësinë e kryetarit të grupit informova grupin mbi qëndrimin që do mbajmë mbi disa kërkesa që kanë ardhur me debate. Sa i përket një kërkese për mocion me debat mbi disa kërkesa nga grupi parlamentar i PD të lexuara nga protesta e kam thënë dhe duhet ta rishpreh as nuk e pranoj dhe as nuk e njoh partinë e Saliut si interlokutor mes nesh dhe protestuesve. Lidhur me protestën, respektoj të gjithë ata që dolën për çështje që lidheshin me shqetësime, dyshime lidhur me respektimin e normave mjedisore në një investim jetik për vendin si ai në Zvërnec, një investim që do të bëhet sepse është një mundësi e madhe që vjen një herë nuk e di në sa dekada…

Balla reagoi edhe ndaj thirrjeve të protestuesve për dorëheqjen e qeverisë, shpërndarjen e Parlamentit dhe dorëzimin e mandateve, duke vënë në pikëpyetje organizimin dhe drejtimin e protestës.

Balla: Kush e bën këtë thirrjen? Dje kam dëgjuar një prej atyre që e mban veten për organizator. Tha jemi 8 mln shqiptarë, kemi 6 mln ide, 1 mln kërkesa dhe 500 mijë kandidat për kryeministër. Unë po ju them jo bindjen time, por bindjen e shumicës së shqiptarëve që kemi të bëjmë me një protestë që lindi për një rast që unë besoj se ndajmë të njëjtin shqetësim. Dhuna në Zvërnec ishte e paparnueshme. Sot atë çështje e kanë harruar. Sot protestën atyre që nisën ua kanë vjedhur.  /vizionplus.tv