Numri i vdekjeve nga alkooli rritet me 30 %

Sipas të dhënave të reja të qeverisë amerikane, shkalla e vdekjeve që mund t’i atribuohen drejtpërdrejt alkoolit u rrit me gati 30% në SHBA gjatë vitit të parë të pandemisë COVID-19.

Qendrat për Kontrollin dhe Parandalimin e Sëmundjeve tha se numri i përgjithshëm i vdekjeve nga alkooli u rrit në 2020 dhe 2021.

“Alkooli shpesh neglizhohet” si një problem i shëndetit publik, tha Marissa Esser, e cila drejton programin e alkoolit të CDC. “Por është një shkak kryesor i parandalueshëm i vdekjes.”

Një raport i publikuar u përqendrua në më shumë se një duzinë llojesh të vdekjeve “të shkaktuara nga alkooli” që fajësoheshin tërësisht nga pirja. Shembujt përfshijnë dështimin e mëlçisë ose pankreasit të shkaktuar nga alkooli, helmimin nga alkooli dhe disa sëmundje të tjera. Kishte më shumë se 52,000 vdekje të tilla në 2021, nga 39,000 në 2019.

Në vitin 2020, ato u rritën me 26%, në rreth 13 vdekje për 100,000 amerikanë. Kjo është shkalla më e lartë e regjistruar në të paktën 40 vjet, tha autorja kryesore e studimit, Merianne Spencer.

Vdekje të tilla janë më të zakonshme tek meshkujt sesa tek femrat, por shifrat u rritën për të dyja gjinitë në vitin 2020.

Shkalla më e larta e vdekjeve nga alkooli ishte për njerëzit e moshës 55 deri në 64 vjeç, por u rrit në mënyrë dramatike për disa grupe të tjera, sidomos të grave të moshës 35 deri në 44 vjeç.

Një tjetër raport  shqyrtoi një gamë më të gjerë vdekjesh që mund të lidhen me pirjen e alkoolit, si aksidentet me automjete, vetëvrasjet, rrëzimet dhe kanceri. Studimi zbuloi se deri në 1 në 8 vdekje në mesin e të rriturve amerikanë të moshës 20 deri në 64 vjeç ishin vdekje të lidhura me alkoolin.

New Mexico ishte shteti me përqindjen më të lartë të vdekjeve të lidhura me alkoolin, 22%. Misisipi kishte më të ulëtën, 9%

 /rtsh.al/