Obama: Irani nuk ka shumë kohë për propozimin e AIEA-s

"Për fat të keq, të paktën deri tani Irani nuk është në gjendje të thotë po. Ne nuk kemi shumë kohë'', deklaroi Obama në kuadër të Forumit Ekonomik të Azi-Paqësorit.

Presidenti amerikan e cilësoi si të drejtë propozimin që iu bë Teheranit. Projektmarrëveshja e paraqitur në fund të muajit tetor nga Agjencia Ndërkombëtare e Energjisë Atomike (AIEA), parashikon që Irani duhet të eksportojë shumicën e uraniumit pjesërisht të pasuruar në Rusi para dërgimit në Francë, ku ai do të transformohet në lëndë djegëse.