Operacion antidrogë në Korçë/ Kontrolle në disa banesa, arrestohet një person

Një operacion antidrogë është zhvilluar në Korçë mbrëmjen e së premtes.

Sipas informacioneve, një operacion po zhvillohet nga policia e juglindjes për goditjen e personave të përfshirë në shitjen e narkotikëve. Deri më tani, mësohet se në pranga ka rënë një person.

Gjatë kontrollit në mjet dhe në banesë, këtij të fundit i janë gjetur doza kokaine, shuma lekësh, armë të ftohta e fishekë.

Operacioni është ende në zhvillim, ndërsa mësohet se po kryhen edhe kontrolle banesash për të dyshuar të tjerë./abcnews.al